Liverpooli ka kërkuar zyrtarisht shtyrjen e ndeshjes së parë gjysmëfinale të Kupës Carabao kundër Arsenalit të së enjtes për shkak të një shpërthimi të mëtejshëm të rasteve të Covid-19 në kompleksin stërvitor të klubit, i cili çoi në anulimin e stërvitjes së ekipit të parë të martën.
Me menaxherin Jurgen Klopp dhe 3 lojtarë të seniorëve – Alisson Becker, Roberto Firmino dhe Joel Matip – ende në izolim pasi munguan në ndeshjen e së dielës në Premier League kundër Chelseas për shkak të rezultateve pozitive të testit Covid-19, raste të tjera, të kombinuara me probleme dëmtimi, kanë detyruar klubin të flasë me Ligën Angleze të Futbollit (EFL) në një përpjekje për të siguruar shtyrjen e ndeshjes së së enjtes në Emirates.
Përveç problemeve me sëmundjen dhe dëmtimet, Liverpool është gjithashtu pa Mohamed Salah, Sadio Mane dhe Naby Keita, të cilët të gjithë tani janë raportuar për detyrën ndërkombëtare me vendet përkatëse në Kupën e Kombeve të Afrikës në Kamerun.
Ka një sërë mundësish të hapura për EFL në lidhje me një shtyrje, duke përfshirë mundësinë e riorganizimit të ndeshjes së parë në një datë të mëvonshme ose të reduktimit të gjysmëfinales në një ndeshje të vetme në vend që të luhet në 2 ndeshje.
Liverpool ka aplikuar për shtyrjen e ndeshjes me Arsenalin dhe tani është në pritje të një përgjigje nga EFL, transmeton lajmi.net.
Liverpooli do të presë ndeshjen e 2-të gjysmëfinale në Anfield më 13 janar.
