Pjesa më e madhe e shkencëtarëve janë njerëz të mençur e të arsyeshëm, por ndonjëherë ata punojnë me ide tepër të ndërlikuara që s’i kap mendja e shumicës së njerëzve të zakonshëm, ndaj mund të duken si të çuditshëm, shkruan InLajmi.
Disa shkencëtarë rrëmbehen kaq shumë nga hulumtimet që bëjnë, saqë sjellja e tyre duket me të vërtetë ekscentrike(për të mos thënë ndonjë gjë tjetër).
Ja disa nga shkencëtarët më të çuditshëm të kohërave:
Eliksiri i jetës
Alkimisti, mjeku dhe teologu gjerman, Johann Konrad Dippel(1673-1734), ishte krejt i bindur se mund të gjente një eliksir që do t’u jepte njerëzve përjetësinë dhe t’i kthente të vdekurit përsëri në jetë.
Ai jetonte në kështjellën Frankenshtajn në Gjermani dhe historitë e eksperimenteve të tij më kufoma frymëzuan tregimin e famshëm të Meri Shellit(Mary Shelley), doktor Frankenshtajn dhe përbindëshin e tij. Dippel shpiku gjithashtu blunë prusiane, të parën nga ngjyrat kimike që përdoren sot për t’u dhënë bojën shumicës së copave.
Johann Dippel mendonte se mund të gjente një lëng që do të kthente të vdekurit përsëri në jetë.
Unë Fluturoj!
Disa nga shkencëtarët më guximtarë, gjegjësisht më të krisur kanë qenë ata që janë munduar të fluturojnë. Ka pasur shumë nga ata që u përpoqën të lidhin flatra, për t’u hedhur nga vende të larta dhe nuk mbetën gjallë për ta treguar se si ishte. Një nga më të guximshmit dhe më të suksesshmit ka ka qenë fluturuesi gjerman Oto Liliental(1848-1896).
Lilitentali ishte i pari që bëri më shumë se 2.000 fluturime me rrëshqitës të varur në vitet 1890, për fat të keq një fluturim në vitin 1896 atij ia solli vdekjen, por eksperimentet e tij patën rol vendimtar për fluturimin e parë të famshëm me aeroplan të vëllezërve Rajt, 7 vite më vonë në vitin 1903.
Ai është elektrik
Amerikani me origjinë serbe Nikola Tesla(1856-1943) ishte gjeniu prej të cilit sot furnizohemi më rrymë elektrike. Ai ishte i pari që eksperimentoi me përdorimin e rrymës së alternuar(AC), për ta dërguar energjinë në largësi të mëdha.
Megjithatë, disa nga teoritë e Teslas ishin paksa më të pazakonta. Ideja e tij për të transmetuar energjinë përmes ajrit, pa tela sot po bëhet realitet, por për fat të mirë planet e tij për një rreze gjigante vdekjeprurëse nuk patën sukses. /InLajmi/
Burimi: Discovery Channel
