Një zjarr i madh ka dëmtuar rëndë ndërtesat e Parlamentit në qytetin e Afrikës së Jugut, transmeton InLajmi.
Presidenti Cyril Ramaphosa vizitoi vendin e ngjarjes dhe e quajti atë një “ngjarje të tmerrshme dhe shkatërruese”.
Një 51-vjeçar i dyshuar për shkaktimin e zjarrit po mbahet dhe po merret në pyetje nga autoritetet, tha policia.
Zjarri, i cili filloi pak pas orës 06:00 me orën lokale (04:00 GMT), erdhi një ditë pas funeralit shtetëror të Kryepeshkopit Desmond Tutu në Katedralen e Shën Gjergjit, pranë parlamentit.
Kuvendi aktualisht nuk është në seancë për shkak të pushimeve.
Shtëpitë e Parlamentit në Cape Town përbëhen nga 3 seksione, me më të vjetrat që datojnë në 1884. Seksionet më të reja të ndërtuara në vitet 1920 dhe 1980 strehojnë Asamblenë Kombëtare, shkruan BBC.
Ky është zjarri i 2-të në parlament në më pak se një vit. Në mars pati një zjarr të shkaktuar nga një defekt elektrik.
Vitin e kaluar, një zjarr shkatërroi një pjesë të bibliotekës së Universitetit të Cape Town, e cila ishte shtëpia e një koleksioni unik të arkivave afrikane. /InLajmi/
