Në natën e Vitit të Ri, në New Mexico 21 persona mbetën të bllokuar në teleferikë për më shumë se 12 orë për shkak të motit të keq, transmeton InLajmi.
Pasagjerët ishin bllokuar në teleferikë, që nga ora 2 e mëngjesit të së shtunës në Sandia Peak Tramway.
Njerëzit që ndodheshin në teleferik ishin në gjendje të mirë pavarësisht se ishin të bllokuar.
Menaxheri i përgjithshëm i Sandia Peak, Michael Donavan tha për median se pasagjerët kishin ujë dhe batanije në vagonët e teleferikëve.
Departamenti i Zjarrfikësve punoi me Zyrën e Sherifit të Qarkut Bernalillo, Policinë e Shtetit të New Meksikos dhe Kërkimin dhe Shpëtim në New Mexico për një “përpjekje të koordinuar” për të çliruar pasagjerët nga teleferiku i parë, shkruan Daily Mail.
Zyrtarët konfirmuan se teleferikët u bllokuan për shkak të akumulimit të akullit.
Përndryshe teleferikët transportojnë vizitorët 2.7 milje lart në malet Sandia. /InLajmi/
