Në SHBA ka tejkaluar 825 mijë numri i personave që kanë humbur jetën si pasojë e COVID-19.
Sipas të dhënave të Universitetit “Johns Hopkins” me 491.381 raste në 24 e fundit ka arritur në 54.743.993 numri i rasteve ndërsa me 1.197 vdekje në 24 orët e fundit ka arritur në 825.536 numri i personave që kanë humbur jetën nga COVID-19.
Me mbi 5 milionë raste, Kalifornia renditet e para në vend ndërsa vijojnë Teksasi me rreth 4 milionë dhe Florida me mbi 4 milionë.
Po ashtu me 76.520 vdekje, Kalifornia renditet e para në SHBA për sa i përket numrit të viktimave nga COVID-19 e cila ndiqet nga Teksasi me 75.744 vdekje dhe Florida me 62.504 vdekje.
Sipas të dhënave nga Qendra për Kontrollin dhe Parandalimin e Sëmundjeve (CDC), e cila ndjek statistikat për vaksinimin kundër COVID-19 në SHBA, 78% e popullatës mbi 5-vjeç ka marrë të paktën një dozë të vaksinës ndërsa 65.9% dozën e 2-të. Ndërkohë kanë marrë dozën përforcuese 33.4% e atyre që kanë përfunduar vaksinimin, transmeton Anadolu Agency (AA).
Mbi 243 milionë persona në vend kanë marrë dozën e parë ndërsa mbi 205 milionë të tjerë dozën e 2-të dhe mbi 68 milionë dozën përforcuese.
