Ish-kryetari i Prishtinës, Shpend Ahmeti, ka komentuar në lidhje çështjen e TVSH-së, pas deklaratave të ministrit Murati për gastronomët, përcjell InLajmi.
Ahmeti këtë e ka quajtur çasje totalisht të mbrapsht dhe mosnjohuri bazike të llojeve të tatimeve.
Ai ka tutje ka thënë se ju nuk po e zvogëloni profitin e kompanive por po e zbrazni edhe më shumë xhepin e qytetarëve.
Postimi i plotë i tij:
Çështja e TVSH-së, Murati: Nuk kemi premtuar se do të vazhdojë 8 përqindëshi, këtë vit pati rritje të fitimit në gastronomi
Çka i bjen kjo? Gastronomët po fitojnë shumë e duhet me i nal? Edhe disa qebaptore kishin fitu goxha rritne TVSHnë në qebapa 20 përqind. A duhet me hap kafeteri në pronësi të qeverisë se sektori privat është armiku kryesor i Kosovës?
Qasje totalisht e mbrapsht dhe mosnjohuri bazike e llojeve të tatimeve. TVSH edhe origjinën e ka në një mënyrë të lehtë e të thjeshtë të financimit të shpenzimeve publike kur shteti ka mungesë. Funksioni i dytë është motivimi apo demotivimi i veprimeve të caktuara. P.sh. Hiqet në libra për të motivuar leximin e shtohet në produkte të shtrenjta e të panevojshme apo të pashëndetshme për ti demotivuar blerjet.
Pra ose po mendoni që kafeteritë janë institucione të mbrapshta e duhet të demotivojmë socializimin ose po mendoni që fitimi i rritur i dikujt nuk duhet lejuar. Në dyja rastet, absurditet. E që ska nevojë për financim shtesë për shpenzime publike tregon bilanci i fundvitit. 9 muaj nuk po zgjedhet OSHP që në mënyrë të pakuptueshme ka bllokuar investimet publike.
Por kryesorja thelbi i TVSH është se nuk e paguan shitësi por konsumatori. Pra ju nuk e zvogëloni profitin e kompanisë por e zbrazni edhe më shumë xhepin e qytetarit./InLajmi/
