Ardian Kastrati nga Partia Demokratike e Kosovës ia ka rikujtuar kryeministrit Albin Kurti se dikur ka kritikuar pozitën se udhëton me xhipa të shtrenjtë derisa tash ai po bënë të njëjtën gjë, raporton InLajmi.
E derisa ai ia ka varguar kritikat kryeministrit Kurti, këtij të fundit në Kuvend ia ka sjellë një “xhip lodër”, e cila lodër ka thënë se është për të.
“Politikanët me xhipa të zi, me trupërojë. Koha e sotme na tregon se po udhëtohet me 15-20 xhipa të Policisë “viu -viu. Kryeministër me këto retorika nuk mbrohet buxheti”,tha Kastrati.
Tutje, sipas Kastratit punëtorët nuk janë privatizuar, derisa i bëri apel Qeverisë se duhet t’i takojë.
“Lëri retorikat, mbreti i pakurorëzuar. Nuk i keni takuar që 2 herë në protestë. Pastaj arsyetimi juaj dhe disave nga mesi herë po skuqen herë po nxihen. Duhet të gjeni zgjidhje, jeni 50 % duhet me rregulluar këtë projektbuxhet konformë nevojave të kësaj qeverie. Kështu bëheni shumë monoton. Flisni për nesër si rregullohen këto e mos u merrni me akuzime për të kaluarën. I keni gjitha mekanizmat, folni me ata fëmijë të punëtorëve të “Ferronikelit” që nuk kanë thërmia të bukës në sofër”, tha më tej Kastrati./InLajmi/
