E drejta ligjore për një abort, të cilën gratë në SHBA e kanë për gati 50 vjet, po përballet me sfidat e saj më serioze në dekada, transmeton InLajmi
Gjyqtarët konservatorë në Gjykatën e Lartë të SHBA-së në dhjetor sinjalizuan se ishin të gatshëm të tërhiqnin të paktën disa nga mbrojtjet e ofruara nën Roe (Pjesë e ligjit) kundër Wade, vendimi historik i vitit 1973 që legalizoi për herë të parë abortin.
2 nga gjyqtarët sugjeruan se do të rrëzonin precedentin krejtësisht.
Rasti përqendrohet në një ligj të Misisipit, që ndalon procedurën pas 15 javësh të shtatzënisë.
Ndërkohë, Gjykata e Lartë ka lejuar gjithashtu që një ligj i Teksasit që ndalon abortet pas 6 javësh të shtatzënisë të qëndrojë në fuqi, shkruan Bloomberg.
Sipas ligjit, mjekët, klinikat ose kushdo që ndihmon dhe nxit një grua që të kryejë procedurën mund të përballet me dëmshpërblim deri në 10.000 dollarë.
Gjykata e Lartë ende nuk e ka bllokuar ligjin, i cili ka kufizuar mundësinë e abortit në shtet. Klinikat, të frikësuara nga gjobat dhe paditë, nuk po kryejnë më aborte pas 6 javësh, duke i detyruar gratë të udhëtojnë qindra milje për të ndërprerë shtatzënitë e padëshiruara. /InLajmi/
