Kuvendi i Kosovës ka mbajtur seancën e rregulltë ku janë votuar një sërë projektligjesh, raporton InLajmi.
Por nuk shkoi mirë përzgjedhja e 2 gjyqtarëve të Kushtetueses ku edhe raundi i 3-të i nuk ka përcaktuar përfundimisht se cilët do të jenë 2 gjyqtarët e Kushtetueses.
Në këtë raund votimi kandidatë ishin Etrur Maloku, Bardh Bokshi dhe Hilmi Jashari.
Në procesin e votimit morën pjesë 79 deputetë, prej tyre 5 vota ishin të pavlefshme.
Etrur Maloku mori 43 vota, Bardh Bokshi 41 vota dhe Hilmi Jashari 18 vota, duke mos arritur asnjëri prej tyre të merr votat e mjaftueshme.
Për t’u zgjedhur, kandidati duhet të marrë 2/3 e votave të deputetëve të pranishëm në seancë dhe që votojnë.
Kryetari i Kuvendit të Kosovës Glauk Konjufca ka thënë se pasi asnjëri prej kandidatëve nuk ka marrë votat e mjaftueshme, atëherë do të përsëritet konkursi për të 2 këto pozita.
Ndryshe, seanca plenare e Kuvendit të Kosovës nuk do të vazhdojë sot, derisa Konjufca tha se për vazhdimin e seancës së sesionit pranveror do të përcaktohet në një mbledhje të kryesisë së Kuvendit që do të mbahet paraprakisht./InLajmi/
