Policia e Kosovës ka bërë të ditur se duke iu referuar rastit në kërkim policor dhe pas intensifikimit të angazhimeve bashkëpunuese ndër rajonale policore, në Lipjan ka ndaluar nën dyshimin për “mashtrim” një person të dyshuar me iniciale G.N., përcjell InLajmi.
Sipas njoftimit të Policisë personi i dyshuar tani më i arrestuar, apostrofuar më lart me iniciale, dyshohet se ditë më parë kishte blerë 8 kafshë shtëpiake (gjedhe) në vlerë 6.500 euro, mirëpo nuk i ka paguar paratë sipas marrëveshjes duke mashtruar viktimën.
Personi i arrestuar poashtu dyshohet ka kryer edhe disa vepra penal të mashtrimit të fermerëve tjerë nga Istogu dhe një rast në Skenderaj, duke bërë shitblerje të kafshëve nga persona të caktuar por duke mos u pergjigjur në obligimet monetare ndaj palëve në vlerë prej mijëra euro.
Ndaj personit të dyshuar të larcekur me iniciale janë të evidentuara disa raste të inicuara për “mashtrim”, prandaj pas ndalimit dhe arrestimit të tij nga autoritetet, i njëjti është intervistuar dhe në konsultim me prokurorin kompetent dergohet në mbajteje 48 orë për procedura të mëtejme ligjore./InLajmi/
