Ministria e Shëndetësisë së Kosovës (MSH), ka njoftuar qytetarët se pa marrë parasysh a e kanë kaluar koronaviursin dhe a janë vaksinuar me dozat e nevojshme, është rrezik të infektohen nga varianti i ri i virusit, Omicron, përcjell InLajmi.
Sipas Ministria e Shëndetësisë imuniteti i krijuar mund të mos jetë i mjaftueshëm dhe mund të dërgoj në ri-infektim, për tu mbrojtur nga varianti i ri Omicron e vetmja mundësi është vaksinimi.
Tutje Ministria e Shëndetësisë ka bërë thirrje të zbatohen masat në fuqi dhe të bëhet vaksinim i plotë.
Postimi i plotë i Ministrisë së Shëndetësisë:
Imuniteti i krijuar nga infektimi me COVID-19 mund të mos jetë i mjaftueshëm për t’u mbrojtur nga ri-infektimi, prandaj vaksinimi mbetet mënyra më efektive për t’u mbrojtur nga COVID-19.
MSh u bënë thirrje që t’i zbatoni masat në fuqi dhe të të vaksinoheni. Inkurajoni edhe të tjerët për vaksinim të plotë.
Kosova disponon me vaksina të miratuara për përdorim nga trupat më relevant botërorë. Vaksinimi mund të bëhet kurdo, pa termin, pavarësisht vendbanimit e shtetësisë. /InLajmi/
