Fiks 4 javë më parë, një ngjarje e rëndë tronditi Gllogjanin.
Për 3 të vdekurit në natën e 26 nëntorit, Prokuroria e Pejës veçse ka arrestuar 3 persona si të dyshuar.
Hetimet për këtë rast ende nuk janë në fazën përfundimtare, por disa ekspertiza tashmë janë dërguar jashtë vendit.
Në raportimin e tij në Komisionin për Çështje të Sigurisë dhe Mbrojtjes, drejtori i Policisë Samedin Mehmeti u pyet edhe për mos-zbardhjen e disa vrasjeve në Kosovë.
Për këto, Mehmeti tha se vetëm një nga 18 vrasjet në këtë periudhë kohore nuk është zbuluar teksa u zotua që do angazhohen t’i zbulojnë të gjitha, raporton T7.
Drejtori i Policisë gjatë raportimit, shpalosi raportin vjetor për punët që janë bërë në Polici gjatë këtij viti.
