Kryeministri i Republikës së Kosovës, Albin Kurti, ka mbajtur gjatë ditës së djeshme mbledhjën e 50-të të qeverisë, në të njëjtën kohë ai bëri me dije se ishte 9-të mujori i marrjes së detyrës, përcjell InLajmi.
Kjo mbledhje ishte e parafundit për këtë vit, derisa Kurti tha së për gjithë vendin po përfundon ky vit sfidues duke thënë se pandemia ka qenë mbi supet e gjithsecilit qytetarë.
Tutje ai tha së nuk do harrohet asnjëherë qëllimi i rrugëtimit të filluar nga 14 shkurti, i cili ishte ndërtimi i një shoqërie të drejtë mbi të gjitha, i barabartë.
Kurti ka njoftuar edhe njëherë përmes rrjeteve sociale se projektligjet e miratuara ndër to ndarja e 4.500.000 euro për pensionistët dhe familjet me asistencë sociale, për pagesën e faturave të energjisë elektrike për familjet në nevojë, po ashtu 3.000 euro mbështetje për shëndetësinë.
Postimi i plotë i tij:
Në 9 mujorin e marrjes së detyrës, dje, mbajtëm mbledhjen e 50-të të Qeverisë së Republikës së Kosovës, e parafundit për vitin 2021.
Po përfundon një vit sfidues për të gjithë ne. Pandemia ka rënduar mbi supet e secilit prej nesh. E derisa mbyllim këtë vit me shumë arritje në shumë sektorë, kujtojmë që për shumë qytetarë të cilët me dekada janë harruar nga politika, jeta mbetet ende e vështirë. Prandaj edhe nuk harrojmë dot arsyen se përse ne jemi këtu.
Nuk harrojmë dot qëllimin e rrugëtimit që kemi filluar nga 14 shkurti për të ndërtuar një shoqëri më të drejtë e më të barabartë.
Ndonëse ndodhemi në një krizë të vështirë energjetike globale, do të bëjmë gjithë çka mundemi e krejt çka dimë të dalim me sa më pak humbje e dëme prej saj.
Ndamë 4.500.000 euro mbështetje për pensionistët dhe familjet me asistencë sociale, për pagesën e faturave të energjisë elektrike për familjet në nevojë.
Për të mundësuar operimet pa pengesa, miratuam kërkesën e KOSTT-it për kthimin e dividendës për këtë vit nga ana e Qeverisë, në mënyrë që të ketë likuditetin e nevojshëm.
Ndamë 3.000.000 euro mbështetje për shëndetësinë, për të mbuluar obligimet në kuadër të fondit për trajtim jashtë institucioneve publike.
Mbështetje shtesë për arsimin, me 4.110.000 euro të ndara për mbulimin e obligimeve për librat në shkollat fillore dhe 86.243 euro, për pagesën e obligimeve për zhvillimin e mësimit online në kohë pandemie.
Për ringjalljen e fshatit përmes bujqësisë dhe agro-turizmit, ndamë 2.500.000€, miratuam Strategjinë për Bujqësi dhe Zhvillim Rural 2022-2028, si dhe Strategjinë për Zhvillimin e Pylltarisë 2022-2030.
Miratuam dhe proceduam për në Kuvend tetë projektligje.
Për mbrojtjen e shëndetit publik, miratuam Strategjinë shtetërore për parandalim, menaxhim dhe kontrollim të pandemisë COVID-19, dhe projekt-rregulloren për Emergjencat dhe Monitorimin Radiologjik.
Kursimet janë në shumë prej 19.060.303 euro dhe e njëjta vlerë është ndarë për të siguruar pagesën e pensioneve për muajin dhjetor, si dhe shlyerjen e obligimeve financiare të trashëguara nëpër organizata buxhetore të ndryshme.
Një vit i ri e një dekadë e re shtrihet para nesh. Le të shtyjmë vetën përpara duke u bërë shembull për fëmijët tanë. Qeveria që kemi zgjedhur nuk heq dorë nga suksesi. Unë nuk heq dorë nga ndryshimi të cilin e kemi filluar.
E ardhmja jonë është e ndritshme e rrugëtimi ynë është i përbashkët. /InLajmi/
