Në fjalën e tij në nisje të takimit në kuadër të ‘’Open Balkan’’, kryeministri i Shqipërisë, Edi Rama nënvizoi rëndësinë e kësaj nisme për vendet e rajonit duke i bërë thirrje vendeve të tjera që tu bashkohen në këtë iniciativë.
“Është një moment kyç i procesit tonë sepse marrëveshjet që do të nënshkruhen do të përcaktojnë një hap shumë të rëndësishëm para drejt objektivit tonë që është të garantojmë lirinë e plotë të lëvizjes së njerëzve mallrave, kapitaleve e shërbimeve”.
Rama tha se në fushën e lëvizjes së mallrave, sot do të nënshkruajmë marrëveshjen 3 -palëshe të kafshëve të gjalla.
‘’Më lini që të kaloj nëpër secilën shtyllë të Ballkanit të Hapur duke përsëritur thirrjen për gjithkënd që të bëhet pjesë pasi është një nismë tërësisht përfshirëse dhe sigurisht duke inkurajuar të tjerët në rajon që të jenë pjesë e kësaj përpjekje. Në fushën e lëvizjes së mallrave, sot do të nënshkruajmë marrëveshjen 3-palëshe të kafshëve të gjalla dhe njohjes së ndërsjellë të dokumentacionit të lëshuar dhe zbatimin e memorandumit dhe kalimit të mallrave mes nesh të 3 që është nënshkruar tashmë korrikut tashmë’’.
Ai ka njoftuar gjithashtu se do të nënshkruhet edhe marrëveshja për fushën e veterinarisë.
‘’Do të nënshkruajmë marrëveshjen edhe për fushën e veterinarisë. Më lini që këtu t’i kthehem faktit se sa herë kemi folur për këtë gjë, sa herë kemi rënë në parim. Marrëveshja përfaqëson një gur kilometrik dhe jep mundësi të jashtëzakonshme për bizneset dhe prodhuesit bujqësorë’’.
Tutje ai tha se në fushën e lëvizjes së njerëzve po bëjmë një marrëveshje duke hequr njohjen e lejeve të punës në mënyrë që të lejohen të punojnë e të qëndrojnë në vendet tona.
‘’Ne po nënshkruajmë marrëveshje mes Shqipërisë e Maqedonisë së Veriut dhe Serbisë duke shënuar një hap të lehtësimit të tregtisë. Ekipet tona kanë bërë një punë të shkëlqyer. Në fushën e lëvizjes së njerëzve po bëjmë një marrëveshje duke hequr njohjen e lejeve të punës në mënyrë që të lejohen të punojnë e të qëndrojnë në vendet tona. Ne po ndërmarrim hapa për të liberalizuar tregjet tona të punës dhe duke e bërë rajonin më tërheqës për investimet e huaja’’, ka thënë ai, përcjell Top Channel.
‘’Në fushën e lirisë së lëvizjes së shërbimeve, kemi bërë një hap të rëndësishëm për ndërlidhjen”, tha Rama.
