Ish-kryetari i Preshevës, Ragmi Mustafi, ka bërë të ditur së ka marrë pjesë në një konferencë e cila është quajtur “Pozita e Shqiptarëve dhe Boshnjakëve në Serbi”, përcjell InLajmi.
Gjatë kësaj konference është prezantuar edhe Raporti “Minoriteti Shqiptar në Pritje – Presheva, Bujanoci dhe Medvegja peng i marrëdhënieve Kosovë & Serbi” nga Komiteti i Helsinkit për të Drejtat e Njeriut në Beograd.
Ai ka falënderuar organizatorët dhe ekspertët e raportit të kompletuar që adreson shumicën e sfidave dhe problemet e shqiptarëve të Luginës së Preshevës.
Ndërsa ka theksuar rëndësinë e këtij raporti duke bërë me shenjë qasjen ndarëse të Qeverisë së Serbisë ndaj shqiptarëve të Luginës, që kjo sipas tij po ia pamundëson komunitetit shqiptar të shfrytëzojnë të drejtat e garantuara kushtetuese.
Postimi i plotë i tij:
“QEVERIA E SERBISË QASJE SEGREGUESE NDAJ SHQIPTARËVE TË LUGINËS SË PRESHEVËS”
Sot mora pjesë në Konferencën “Pozita e Shqiptarëve dhe Boshnjakëve në Serbi” ku u prezantua edhe Raporti “Minoriteti Shqiptar në Pritje – Presheva, Bujanoci dhe Medvegja peng i marrëdhënieve Kosovë & Serbi” nga Komiteti i Helsinkit për të Drejtat e Njeriut në Beograd.
Falënderova organizatorët dhe ekspertët e raportit të kompletuar që adreson shumicën e sfidave dhe problemet e shqiptarëve të Luginës së Preshevës.
Përveç që theksova për rëndësinë e këtij raporti, nënvizova se përderisa qasja segreguese e Qeverisë së Serbisë ndaj shqiptarëve të Luginës nën etiketën e separatizmit, pamundëson komunitetin shqiptar të konsumojë të drejtave të garantuara Kushtetuese dhe implementimin e konventave ndërkombëtare. /InLajmi/
