Bora e butë dhe e shkrifët mund t’i japë vendit pamjen e një peizazhi të egër, të mrekullueshëm, të mbuluar nga bardhësia. Por, në format e saj më të skajshme, bora mund të sjellë edhe fatkeqësi dhe shkatërrim, nga stuhitë e tërbuara, tek ortekët kolosalë të cilat bien në tokë me fuqinë e shkëmbinjve solidë, fuqia e borës asnjëherë nuk duhet nënvleftësuar, shkruan InLajmi.
Thuhet se në vitin 1998-1999 gjatë stinës së dimrit në Malin Bejkër në shtetin e Uashingtonit në Shtetet e Bashkuara të Amerikës, ra një sasi totale reshjesh bore prej 29 metrash.
A e dini se çka është bora?
Në vende të ftohta, kryesisht pranë poleve të Tokës apo në lartësi të mëdha avulli i ujit ngihet lart, mund të ngrijë duke u kthyer në grimca të vogla në ajër. Kristalet e akullit ngjiten me njëra-tjetrën dhe krijojnë flokët e borës, flokët më të thjeshta të borës janë prizma 6 këndësha, por ato mund edhe të degëzohen duke krijuar struktura më të ndërlikuara. Forma dhe masa e një floku bora varet nga temperatura, trysnia dhe sasia e ujit në ajër.
A është gjdo flok bore i papërsëritshëm?
Ndoshta po, por kush mund ta vërtetojë këtë? Megjithatë, nëse çdo vit bien disa trilionë kristale akulli sepse flokët e borës janë kristale akulli, mundësia që të krijohen 2 kristale identike në kohëzgjatjen e jetës së Universit është praktikisht zero.
Orteku Alpin
Në vitin 1999, bora e dendur që ra atë kohë në Shamoni të Francës, ka shkaktuar një ortek me rreth 300 mijë metra borë, rrjedha e këtij orteku ka udhëtuar me 97 kilometra në orë deri sa u përplas në një hotel të vogël poshtë në luginë, duke shkatërruar ndërtesa kështu duke varrosur njerëz nën 100 mijë ton borë, si pasoj e këtij orteku gjetën vdekjen 12 persona. /InLajmi/
Burimi:Discovery Channel
