Kreu i AAK-së, Ramush Haradinaj, ka 2 kërkesa për kryeministrin e Kosovës, Albin Kurti, raporton InLajmi.
Haradinaj i ka kërkuar Kurtit që çdo ditë pune ta fillojë me një vizitë bashkë me Ministren e Ekonomisë, Artane Rizvanollin, në Koorportatën Energjetike të Kosovës, për arsye të gjendjes energjetike në vend.
Kërkesa tjetër e Haradinajt drejtuar Kurtit ka qenë që të paguhet kostoja e importit të rrymës nga buxheti i këtij viti.
“I bëj apel Kurtit që të ndërmerr 2 veprime menjëherë. Njëri është që ta filllojë çdo ditë pune në KEK, bashkë me Ministren, pra çdo ditë ta heq nga agjenda një takim protokollar, dhe çdo ditë ta filloj ditën në KEK, gjatë gjithë dimrit dhe i 2-ti që ta paguajë koston e importit për këtë vit, nga buxheti i këtij viti e të mos e bartë në buxhetin e vitit tjetër, sepse duke u bartë kostoja krijon pengesa të mëdha ne buxhetim të projekteve të tjera”, ka deklaruar Haradinaj në një konferencë për media./InLajmi/
