I pari i Prishtinës, Përparim Rama, ka pritur në zyrën e tij Ministrin e Shëndetësisë, Rifat Latifin, përcjell InLajmi.
Rama ka thënë se është gjatë takimit është diskutuar për gjendjen epidemiologjike nëpër të cilën po kalon vendi, veç tjerash është diskutuar edhe për çështje në interes të qytetarëve.
Sipas tij janë pajtuar që të ndërmarrin veprime gjithmonë për të mirën e shëndetit të qytetarëve, duke i përfshirë të gjithë akterët në vendimmarrje.
Ai tha se për te dhe ministrin prioritet është ruajtja e shëndetit të qytetarëve, zhvillimi ekonomik dhe mirëqenia e tyre.
Postimi i plotë i tij:
Pata kënaqësinë të pres në Komunën e Prishtinës, Ministrin e Shëndetësisë, Dr. Rifat Latifin, me të cilin diskutuam për gjendjen aktuale sa i përket Pandemisë si dhe çështje të tjera të interesit publik.
Me Ministrin Latifi u pajtuam që të ndërmarrim veprime në interes të shëndetit të qytetarëve duke i përfshirë të gjithë akterët në vendimarrje.
Për ne, prioritet është ruajtja e shëndetit të qytetarëve, zhvillimi ekonomik dhe mirëqenia e tyre. /InLajmi/
