Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se gjatë 24 orëve nga 1.734 testime 11 qytetarë kanë rezultuar pozitivë, përcjell InLajmi.
Tutje, Ministria e Shëndetësisë ka njoftuar se 8 qytetarë janë shëruar, derisa fatmirësisht nuk është shënuar asnjë rast i vdekjes nga koronavirusi.
Ndryshe, numri i përgjithshëm i të shëruarve është 157.941, derisa në total numri i rasteve aktive me koronavirus është 317.
Postimi i plotë i Ministrisë së Shëndetësisë së Kosovës:
17 Dhjetor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 1.837 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.651.845 doza të vaksinës.
Deri më sot 775.898 qytetarë janë vaksinuar me dozën e 2.
Nga 1.734 testime, 11 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 8 qytetarë, derisa numri i përgjithshëm i të shëruarve është 157.941.
Në total numri i rasteve aktive është 317./InLajmi/
