Policia e Kosovës ka njoftuar se në Podujevë ka arrestuar një çiftë bashkëshortor, përcjell InLajmi.
Kjo për shkak se ata kanë keqtrajtuar fëmijët e tyre 9 dhe 12 vjeç dhe po ashtu i kanë braktisur.
“Janë arrestuar burrë e grua kosovarë, pasi që kanë lënë pa përkujdesje fëmijët e tyre (vajzë dhe djalë njëri 12 e tjetri 9 vjeç) duke jetuar në një shtëpi pa kushte minimale për jetesë. Me vendim të prokurorit, dhe në bashkëpunim me Qendrën për Punë Sociale fëmijët janë dërguar në Strehimore, ndërsa të dyshuarit, prindërit janë liruar dhe rasti shkon në procedurë të rregullt”, njofton Policia e Kosovës në raportin e tyre 24 orësh.
Njoftimi i plotë i Policisë së Kosovës:
Keqtrajtim apo braktisje e fëmijëve
Podujevë 14.12.2021 – 13:30. Janë arrestuar burrë e grua kosovarë, pasi që kanë lënë pa përkujdesje fëmijët e tyre (vajzë dhe djalë njëri 12 e tjetri 9 vjeç) duke jetuar në një shtëpi pa kushte minimale për jetesë. Me vendim të prokurorit, dhe në bashkëpunim me Q.P.S. fëmijët janë dërguar në Strehimore, ndërsa të dyshuarit (prindërit) janë liruar dhe rasti shkon në procedurë të rregulltë. /InLajmi/
