Kryetari i Komunës së Gjakovës, Adrian Gjini, ka emëruar si nënkryetar për mandatin e ri qeverisës, Flamur Fetahajn, përcjell InLajmi.
Lajmin për pranim e detyrës së nënkryetarit e ka bërë të ditur vetë Fetahaj, ku sipas tij kjo detyrë është privilegj, përveç tjerash përgjegjësi për t’iu shërbyer qytetarëve të qytetit të Gjakovës.
Fetahaj ka thënë se bashkë me Gjinin dhe bashkëpunëtorët, i presin angazhime e projekte me vlerë për qytetin që tanimë do drejtojnë se bashku.
Postimi i plotë i tij:
Sot, zyrtarisht, nga Kryetari Gjini, kam pranuar detyrën si Nënkryetar i Komunës së Gjakovës për këtë mandat të ri qeverisës.
Faleminderit Kryetar për besimin!
Kjo detyrë, është privilegj e mbi të gjitha përgjegjësi për t’iu shërbyer me nder bashkëqytetarëve të mi.
Bashkë me Kryetarin Gjini dhe bashkëpunëtorët tanë, na presin angazhime dhe projekte me vlerë për Gjakovën tonë!/InLajmi/
