Policia e Kosovës po zhvillon një aksion në fshatin Karaçevë të Kamenicës, në të njëjtin vend ku kohë më parë zhvillohej veprimtari ilegale e bixhozit, shkruan InLajmi.
Këtë e ka konfirmuar për Gazetën InLajmi zëdhënësi i Policisë së Kosovës, rajoni i Gjilanit, Ismet Hashani i cili tutje bëri me dije se në aksionin e Policisë së Kosovës i cili po vazhdon edhe tani, ka pasur disa të arrestuar.
I pyetur se sa është numri i të arrestuarve ai dha këtë përgjigje.
“Është vazhdimësi, është lokacioni i njëjtë ku ka pasur arrestime edhe rrënime të objekteve ku kryhej kjo veprimtari edhe më herët. Nuk e di sa është numri it ë arrestuarve sepse është aksion që ende po vazhdon, derisa ka filluar qysh në orët e hershme të mëngjesit në koordinim me Prokurorinë e shtetit dhe komunën e Kamenicës. Çdo gjë po shkon si duhet”, tha Hashani.
