Kreu i PDK-së, Memli Krasniqi, ka përkujtuar 23 vjetorin e rënies heroike të komandant Mujë Krasniqit me shumë bashkëluftëtarë të tjerë të UÇK-së, përcjell InLajmi.
Krasniqi ka shkruar për heroin Mujë Krasniqi duke kujtuar se në ato kohë kur nuk luftonte ai i këndonte Atdheut e ditëve të bardha që e prisnin vendin tonë.
Tutje ai tha se falë guximit e sakrificës së Mujës me shokë, Kosova është e lirë dhe e pavarur.
‘’Lavdi heronjve të UÇK-së!’’, ka shkruar ai.
Ata ranë për liri heroikisht më 14 dhjetor të vitit 1998.
Postimi i plotë i tij:
23 vite më parë, me 14 dhjetor 1998, ranë heroikisht në frontin e lirisë, komandant Mujë Krasniqi me shumë bashkëluftëtarë të tjerë të UÇK-së. Muja, atëherë kur nuk ishte duke luftuar, i këndonte Atdheut e ditëve të bardha që e prisnin vendin tonë. Sot, falë heroizmit, guximit dhe sakrificës së Mujës e shokëve të tij, Kosova është e lirë, e pavarur, e këngët e tij dëgjohen ngado. Lavdi heronjve të UÇK-së!/InLajmi/
