Ministri i Financave, Punës dhe Transfereve, Hekruan Murati i ka quajtur të pavërteta pretendimet e Haradinajt se refuzimi i 2 projekteve energjetike, Contour Global dhe gazsjellësit e kanë lënë Kosovën pa zgjidhje për energjinë, raporton InLajmi.
Murati ka deklaruar se nuk i bënë shërbim të madh vendit kur Ramush Haradinaj flet tëpavërteta.
“Sa i përket çështjes së energjisë elektrike ka të pavërteta edhe sa i përket Contour Global dhe gazit. Në lidhje me të parën, e kam vërejtur që tashmë disa herë insiston në atë se gjoja qeveria ka shkëputur ndonjë marrëveshje, por fakti tregon se ai është tërhequr njëanshëm në mars të vitit të kaluar. Tash nëse synimin e ka për të kritikuar qeverinë, ta bëjë me argumente të tjera. Por, nëse kritika e tij është pretekst për t’i bërë një favor më të mirë Contour Global në raport me arbitrazhin dhe padinë që mund të rezultojë ndaj shtetit të Kosovës, nuk i bënë shërbim të madh vendit kur flet të pavërteta”, tha ai.
Duke iu kundërpërgjigjur, Haradinaj tha: “Tash po e kuptoj se jeni ministër në ikje”
“Kur ju thonin ‘ministër në ikje’, nuk desha t’iu bashkohem asaj, kur tash e kuptova se jeni në ikje se ju po flisni vetëm për këtë dimër. Po harroni se refuzimi i Contour Global na rrezikon edhe për shumë dimra të tjerë. Njëkohësisht edhe refuzimi i gazit na rrezikon edhe për shumë dimra të tjerë”, tha ai./InLajmi/
