Nëse prisni vetëm gjysmë ore për të shkuar në shtrat pas darkës, do të zvogëloni në mënyrë të konsiderueshme probabilitetin e infarktit.
Me siguri prindërit ju kanë thënë që nuk është mirë të shkoni me stomak të mbushur në shtrat, dhe kanë pasur të drejtë, thotë hulumtimi i ri i nutricionistëve grekë nga Universiteti i Jonit.
Por, nëse prisni vetëm gjysmë ore për të shkuar në gjumë, për 2/3 do të reduktoni shansin për të pasur infarkt.
Çdo 10 minuta rreziku bie për 10.
Studimi të cilin e ka udhëhequr Christina-Maria Kastorini, eksperte për ushqyerjen mesdhetare, tha që hulumtimi nuk ka pasur si synim të dëshmojë shkaqet dhe efektet por vetëm lidhjen në mes darkës së vonshme dhe sulmit të mundshëm të zemrës.
Rreth 1000 të anketuar (500 prej tyre kanë qenë të shëndetshëm, 250 që kanë përjetuar infarktin dhe 250 me sindromën akute koronare) kanë plotësuar pyetësorët për shprehitë në lidhje me gjumin dhe shujtat.
Në krahasim me njerëzit të cilët kanë darkuar më pak se një orë para gjumit, ata të cilët kanë pritur 60 deri 70 minuta kanë pasur 66 % më pak shanse për të pasur sulm në zemër.
Personat të cilët kanë pritur prej 70 minuta deri në 2 orë, këtë shans e kanë zvogëluar për 76 %, për arsye deri tani të panjohura.
Megjithatë, dr. Kastorini konsideron që përgjigjet mund të gjenden në një studim të mëhershëm me të cilin është zbuluar që darka e vonshme mund të jetë e lidhur me rrezikun e lartë nga refluksi, përcjell EkonomiaOnline.
Refluksi është i lidhur me apnean, ndërsa apnea me rrezikun nga sulmi në zemër.David Holmes, profesor i mjekësisë në klinikën Mayo ka teori tjetër: “Kur hamë, niveli i sheqerit në gjak ndryshon, sikurse edhe niveli i kolesterolit dhe qarkullimi i gjakut. Të gjithë këto ndryshime mund të ndikojnë në rrezikun e shtuar nga sulmi në zemër në gjumë”
