Deputetja e PDK-së, Ganimete Musliu në fjalin e saj para deputetëve në Kuvendin e Kosovës, ka thënë se menagjimin kundër pandemisë është i vështirë dhe kërkon shumë angazhim, raporton InLajmi.
“Është e qartë se lufta kundër pandemisë është e vështirë dhe kërkon angazhimin e secilit prej nesh. Ne jemi gati për bashkëpunim por qasja e qeverisë është qasje selektive dhe qasje jo transparente, jo vetëm në raport me partitë tjera, por edhe në raport me qytetarët, votën e të cilëve e mori për të udhëhequr këtë vënd”, tha Musliu.
Ndër të tjera Musaliu ka thënë se është fatkeqësi për Qeverinë Kurti se si nuk ka guxim për negocimin e bindshëm dhe serioz me kopanitë të cilat prodhojnë vaksina.
“Është fatkeqësi për vëndin se si kjo qeveri nuk ka guxim të negocioj bindshëm dhe serioz me kompanitë të cilat prodhojnë vaksinën dhe të siguroj dozat e mjaftueshme për qytetarët tanë. Dhe më e keqja është se kjo qeveri, dështimet e veta në këtë drejtim, i shet në opinion si akte top sekrete, pra duke e eliminuar edhe transparencën dhe bashkëpunimin”, tha Musliu.
Ajo po ashtu ka shtruar disa pyetje në drejtim të ministrit Arben Vitia se si është e mundur që të mbyllet gastronomia e të lihen hapur të gjitha bizneset tjera? Si është e mundur tu ndalohen të hyrat një numri të madh të qytetarëve pa e pasë një plan për ndihmë.
“Shihet haptazi se kjo qeveri nuk e ka dhe as që synon të marrë situatën nën kontroll. Pandemia, përvec që merr jetë, po shkakton edhe dëme serioze në ekonomitë familjare. Përballja e qytetarëve me pandeminë, humbja e vendeve të punës, nxjerrja e vendimeve ad hoc. etj. kanë futë qytetarët në borxhe dhe cka është më e rënda, qeveria nuk po jep as shenja minimale që ka një plan për tju kundërvy këtyre dëmeve, thuajse qeverisja nënkupton sfilata mediale dhe propaganda filozofike, thuajse qeverisja nuk ka asnjë lidhje me ekonominë. Por qeveria duhet ta dijë se dëmët që u janë shkaktuar bizneseve dhe dëmet që i janë shkaktuar popullit do të jetë vështirë të rregullohen. Stabiliteti ekonomik është një faktor i rëndësishëm edhe për stabilitetin shëndëtësor fizik dhe psiqik. Frika nga virusi, vdekja e të dashurve, humbja e burimeve të të ardhurave, po i sjell qytetarët në kufijtë e asaj që njeriu mund të durojë. Dhe reagimi i kësaj qeverie ishte, mbyllja e gastronomisë, ora policore natën dhe ndalesa e 20 eurove të pensionistëve, në ndërkohë që shkalla e ankthit, depresionit dhe rraskapitjes është rritur ndjeshëm”, tha ajo. /InLajmi/
