Ish-emisari i ish-presidentit të Shteteve të Bashkuara të Amerikës për dialogun Kosovë – Serbi, Richard Grenell po vazhdon të kritikojë ashpër Lëvizjen Vetëvendosje dhe liderin e kësaj partie, Albin Kurti.
Ai në një postim të fundit të tij në Twitter ku i referohet një komunikate të Lëvizjes Vetëvendosje (tashmë të fshirë), ku VV thotë se Izraeli është ndëruar mbi krimin e mbështetur nga SHBA-të dhe Anglia, Grenell thotë se është gjuhë e rrezikshme.
“Albin Kurti dhe partia e tij besojnë se Izraeli u ndërtua duke bërë krime. Dhe thotë se Shtetet e Bashkuara të Amerikës dhe Mbretëria e Bashkuar dhe Mbështetjes së Krimeve.”, tha Grenell.
“Kjo është gjuhë e rrezikshme për një aleat të SHBA-ve.”, tha më tutje ai duke e lidhur në postimin e tij edhe Këshilltarin e Lartë të Biden për Siguri Kombëtare Jake Sulliavn, shkruan Lajmi.net.
Postimi i plotë i tij:
Albin Kurti and his party VV believe Israel was built by committing crimes. And says the U.S. and the U.K. support this crime.
— Richard Grenell (@RichardGrenell) March 3, 2021
Më herët gjatë ditës, Grenell ka shkruar se Kurti ka qenë edhe kundër ish-presidentëve të SHBA-ve si Bill Clinton, George Bush, Barack Obama e Donald Trump dhe se do të jetë edhe kundër Biden.
