Numri i rasteve me koronavirus në 24 orët e fundit është rritur dukshëm, dhe kjo ka ngjallur shqetësim në vend, përcjellë InLajmi.
Si pasojë e kësaj, Ministria e Shëndetësisë ka njoftuar se sot në orën 11:00 do të mblidhet Komiteti për Koordinim dhe Vlerësim të Situatës me koronavirus.
“Sot, nën kryesimin e Ministrit të Shëndetësisë, z. Armend Zemaj, do të mbahet takimi i Komitetit për Koordinim dhe Vlerësim të Situatës me COVID 19”,bëhet e ditur në një njoftim për media të MSh-së.
Ky takim mbahet një ditë pasi vendi regjistroi 398 raste me COVID-19, shifër kjo më e larta për vitin 2021. /InLajmi/
