Kryetari i AKR-së Behgjet Pacolli ka kujtuar 22 vjetorin e masakrës së Reçakut përcjell InLajmi.
Ai tha se kanë kaluar 22 vite nga një nga krimet më makaber gjatë luftës së fundit dhe se 45 viktimat janë e vërteta e shtetit serb që ende refuzon ta sheh vetën në pasqyrë.
Ndër të tjera shtoi se sa vjen e rritet distanca kohore nga 15 janari i vitit 1999 rritet edhe obligimi ynë kombëtarë.
Postimi i plotë i tij :
Kanë kaluar plot 22 vjet prejse u ekzekutua një nga krimet më makabër në luftën e fundit në Kosovë.
45 viktimat e Masakrës së Reçakut janë e vërteta e shtetit serb që ende refuzon ta sheh vetën në pasqyrë.
Ka ndodhur krimi, dihet edhe autori, por ende nuk ka ardhur dënimi – ndaj drejtësia s’është vendosur.
Përkundrazi, ekzekutuesit tentojnë të fshihen prapa pëlhurës së të moderuarit dhe sot udhëheqin me shtetin serb.
Derisa ata refuzojnë të ballafaqohen me të vërtetën, na takon ne, siç na ka takuar gjithmonë, por tani më shumë se kurrë, të kërkojnë vendosjen e drejtësisë dhe dënimin e përgjegjësve të kësaj mizorie.
Sa vjen e rritet distanca kohore me 15 janarin e 1999-ës, rritet edhe obligimi ynë kombëtar të punojmë përtej të pamundurës që në përvjetorët e ardhshëm të mos kujtohet veç krimi, por dënimi i kriminelëve gjithashtu.
Lavdi të rënëve./InLajmi/
