Partitë politike që do të mbajnë tubime në Prishtinë gjatë zgjedhjeve, do të gjobiten me nga 2 mijë euro secila.
Kështu njoftoi drejtori i Inspekcionit në komunën e Prishtinës Adonis Tahiri.
Tahiri tha se nuk do të lejohet që policia dhe inspekcioni të sfidohen nga partitë politike.
Ai ka ftuar qytetarët të bashkëpunojnë në identifikimin e rasteve të tilla.
“Dëno qytetarë për mosmbajtje të maskës në rrugë; dëno lokale për distancë të vogël të tavolinave; dëno e bllombo biznese që qëndrojnë hapur pas orës 20:00; malltrero qytetarët me orë policore – e vet organizo tubime zgjedhore me plot njerëz (me e pa maska) si sardina, është hipokrizi!”.
“Grumbullimi i njerëzve është i ndaluar me vendim të vet atyre që po i grumbullojnë. Ka ligj për luftimin dhe parandalimin e pandemisë, me gjoba konkrete, që është votuar nga vet ata qe po flasin nëpër këto tubime politike”.
“Përderisa ligji dhe masat janë në fuqi, Inspekcioni i Prishtinës do t’iu shqiptojë gjoba prej 2,000 eurosh secilit subjekt politik, për secilin tubim në Prishtinë. Nuk do të lejojmë që inspektorët dhe Policia të sfidohen në këtë formë nga subjektet politike”.
“Ftojmë qytetarët për bashkëpunim, ashtu që të identifikojmë secilin rast!”.
