Deputetja nga radhët e PDK-së, Blerta Deliu-Kodra, ka thënë se partia e saj i ka dhënë votën pro buxhetit të Qeverisë, përcjell InLajmi.
Ajo ka shtuar se moskalimi i buxhetit rrezikon pagat e punëtorëve në sektorin publik dhe për pasojë edhe bizneset dhe të punësuarit në sektorin privat.
Ndër të tjera Dekiu është shprehur se prej kur PDK kishte kryeministrin më nuk ka rritje të pagave, investime të qëndrueshme publike as projekte që bëjnë dallimin në mirëqenien e përgjithshme.
Postimi i plotë i saj
Partia Demokratike e dha votën pro buxhetit të Qeverisë pavarësisht vërejtjeve të mëdha në hartimin defektiv të tij. Moskalimi i buxhetit rrezikon pagat e punëtorëve në sektorin publik dhe për pasojë edhe bizneset dhe të punësuarit në sektorin privat. Ne, asnjëherë nuk e kem ngatërruar interesin publik e shtetëror për kalkulime të ngushta partiake. Situata parazgjedhore nuk guxon ta ndikojë gjykimin e drejtë dhe përgjegjësia jonë si përfaqësues të popullit nuk pushon deri në momentin e shpërbërjes së Kuvendit. Prandaj, deri në këtë moment ne jem të thirrur të mbrojmë interesin qytetar dhe votimi i buxhetit është vendim i përgjegjshëm përballë këtyre interesave.
Mirëqenia e qytetarëve nuk guxon të stagnojë si pasojë e ndonjë procesi të zgjatur politik, prandaj votimi i buxhetit është i domosdoshëm.
Ky buxhet nuk pasqyron përmirësimin e mirëqenies qytetare, nuk ka vizion dhe përmban shumë defekte. Prej kur PDK kishte kryeministrin më nuk ka rritje të pagave, investime të qëndrueshme publike as projekte që bëjnë dallimin në mirëqenien e përgjithshme. Por, situata aktuale pandemike, ekonomike dhe politike e bën të nevojshëm miratimin e një buxheti të tillë të mbijetesës. Ne, do ta rishikojmë rrënjësisht buxhetin brenda limiteve të ndryshimit, pas fitimit të besimit qytetar në këto zgjedhje, në mënyrë që paraja publike të shërbejë në dobi të interesave publike, përkundër gjitha buxheteve të projektuara gjatë këtyre … viteve sa PDK nuk kryesonte ekzekutivin. /InLajmi/
