Disa vende evropiane kanë vendosur masa të rrepta të kufizimeve para festës së Krishtlindjes, duke parë rritje të numrit të të infektuarve.
Holanda ka vendosur një bllokim 5 javor, duke mbyllur dyqanet jothelbësore, teatrot dhe palestrat.
Gjermania, ndërkohë, nga data 15 dhjetor do të hyjë në një bllokim të rreptë pasi numri i të infektuarve ka arritur në nivel rekord.
Franca ka lehtësuar disa masa. por megjithatë shumë kufizime do të mbesin në fuqi pasi numri i të prekurve nga sëmundja COVID-19 është akoma i lartë.
Italia, Spanja, Franca dhe Britania e Madhe janë ndër vendet që kanë regjistruar numrin më të lartë të rasteve gjatë pandemisë.
Javët e fundit, qeveritë e vendeve evropiane janë përballur me dilema të vështira nëse duhet të lehtësojnë kufizimet për periudhën e pushimeve, transmeton Alsat M.
Por, vala e fundit e të infektuarve në disa vende i ka shtyrë qeveritë të ndalojnë planet për të zbutur rregullat.
