Është koha për të bërë lëvizje pragmatike politike drejt zgjidhjes së problemeve të jetës së qytetarëve shqiptarë, si dhe mundësi të reja për krijimin e një kornize të një komunikimi dukshëm intensiv, nëse qeveria e re është e gatshme, duke krijuar një qasje të ndryshme për pakicat kombëtare në Serbi, me theks të veçantë të komunitetit shqiptarë që jeton në Bujanoc, Preshevë dhe Medvegjë.
Kështu thotë për gazetën Danas, kryetari i Këshillit Kombëtar të Shqiptarëve (NSA), Ragmi Mustafa, duke komentuar për mundësinë që shqiptarët e jugut të Serbisë të marrin një karrige ministrore pas gati tre dekadash në përbërjen e re të Qeverisë së Serbisë.
Ai kujton se të tre deputetët e listës Alternativa Demokratike e Shqiptarëve të Luginës së Bashkuar në mënyrë të qartë “e kanë bërë të ditur në bisedimet e para me presidentin Aleksander Vuçiq”.
“Në këtë mënyrë po kërkohet të hapet një dialog për zbatimin e “planit të shtatë pikave” të miratuar nga Qeveria e Republikës së Serbisë në vitin 2013, e cila është një platformë për marrjen e masave urgjente për të përmirësuar kushtet dhe pozicionin e komunitetit shqiptar në Luginën e Preshevës, realizimin e të drejtave kolektive dhe integrimin e mëtutjeshëm në institucionet e sistemit – policia, gjyqësori dhe arsimi”, pohoi Kamberi.
Deputeti i Partisë për Veprim Demokratik (PDD), Shaip Kamberi, emri i të cilit është i lidhur me kandidaturën e mundshme për Ministrin e Vetëqeverisjes Lokale, nuk u përgjigj në telefonatat e gazetës.
Kryetari aktual i Komunës së Bujanocit, Nagip Arifi nga Partia Demokratike (PD), gjithashtu ishte i paçasshëm për një deklaratë gjersa dje vizitoi kryetarin e Komunës së Gjilanit, Lutfi Hazirin.
Kujtojmë se presidenti serb u takua në mesin e korrikut me përfaqësuesit e listës elektorale “Alternativa e Bashkuar Demokratike Shqiptare e Luginës së Bashkuar” dhe dëgjoi propozimet, kërkesat dhe nevojat e tyre, siç njoftoi Zyra për Media e Zyrës së Presidentit, transmeton Telegrafi.
Me atë rast, përfaqësuesit e partive shqiptare shprehen synimet e tyre që të integrohen sa më shumë në institucionet e shtetit të Serbisë dhe folën për domosdoshmërinë e përparimit ekonomik, si në jug të Serbisë, ashtu edhe në të gjithë vendin.
