Një kompani zvicerane e higjieno-teknologjisë (Livinguard), ka premtuar një lloj maske që jo vetëm i filtron koronavirusët, por edhe i shkatërron ata.
Kreu i kompanisë Sanjeev Swamy 59-vjeçar, së bashku me hulumtuesit, ka zhvilluar një proces që mund të përdoret për të vetdezinfektuar sipërfaqen.
Swamy dëshiron të futet në tregun e materialeve për mbrojtje nga koronavirusi. Ai e ka transferuar teknologjinë e tij te prodhimi i maskave. Në parim: sipërfaqeve si tekstili u jepet një ngarkesë e fortë pozitive. Nëse bakteriet apo viruset – që kanë ngarkesë negative – vijnë në kontakt, atëherë shkatërrohen.
Sipas Swamyt kjo çon deri te shkatërrimi i patogjeneve.
“Duhet të imagjinoni se është si magnet. Nëse virusët i afrohen maskës sonë, atëherë tërhiqen dhe shkaktohet një lloj i qarkut të shkurtër ku virusët shkatërrohen dhe largohen nga maska”.
Swamy premton: “Teknologjia jonë ka dëshmuar se shkatërron 99.9 për qind të koronavirusëve, që vijnë nga prekjet”, shkruan Blick
Sigurisht ata që mbajnë maskat e Livinguard janë të mbrojtur nëse përkujdesen edhe për masat tjera higjienike, si larja e duarve dhe mbajtja e maskave në mënyrë korrekte, trasnmeton KultPlus.
“Është gati e pamundur që të kalojë ndonjë gjë nëpërmjet maskave tona”, ka thënë Swamy.
