Nesër në Bruksel do të takohen kryeministri i Republikës së Kosovës, Avdullah Hoti, dhe presidenti i Serbisë, Aleksander Vuçiq, me ndërmjetësim të Përfaqësuesit të Lartë të BE-së, Josep Borell, dhe emisarit për dialogun, Miroslav Lajçak.
Siç është konfirmuar në një komunikatë për media nga zyra e BE-së në Prishtinë, takimi i nivelit të lartë do të fillojë në orën 16:00.
“Pas takimit virtual, dialogu në mes të Beogradit dhe Prishtinës i ndërmjetësuar nga BE, do të mbahet në Bruksel të enjten më 16 korrik”, thuhet në komunikatë, derisa tregohet se takimi do të nisë pasdite në orën 16:00.
Para takimit do të flasë Përfaqësuesi i Lartë i BE-së, Josep Borell, derisa pas takimit do të flasë emisari për dialogun Miroslav Lajçak, përcjell EO.
Derisa për shkak të sitautës me pandeminë, qasja e gazetarëve në ndërtesën ku do të mbahet takimi do të jetë e pamundur.
