Ushtruesi i detyrës së drejtorit të SHSKUK-së, Valbon Krasniqi, ka thënë se shifrat e fundit nga koronavirusi, janë tmerruese për Kosovën.
“Nëse vazhdojnë këto shifra, atëherë në vend do të rëndohet situata edhe më shumë. Gjendja është skajshmërisht e rënduar. Kapacitetet e klinikave të QKUK-së janë stërmbushur. Ne kemi raportuar që tashmë edhe spitalet regjionale kanë filluar të trajtojnë rastet më të lehta, në mënyrë që të provojmë të shkarkojmë pak klinikat e QKUK-së”, ka deklaruar Krasniqi.
Ndryshe, Instituti Kombëtar i Shëndetësisë Publike të Kosovës, ka njoftuar mbrëmë se janë konfirmuar edhe 205 raste të reja me koronavirus në vend, përcjell EO.
Numri i të infektuarve me koronavirus ka shkuar në 4512.
