Kryetari i Komunës së Ferizajt Agim Aliu, ka njoftuar se sot ka nisur ndërtimi i Fabrikës së Ujit në Talinoc të Muhaxherëve, përcjell InLajmi.
Kjo vepër e projekt ky strategjik, për dhjetëvjeçar me radhë, i cili jo vetëm do të siguroj furnizim të qëndrueshëm me ujë të pijes për fshatrat Sojevë, Dardani e Zllatar por edhe do të rris kapacitetet e furnizimit me ujë për fshatrat Talinoc i Muhaxherëve, Fshat i Vjetër, Bibaj si dhe një pjese të qytetit.
Projekti me vlerë investuese mbi 5 milionë euro që parasheh ndërtimin e Fabrikës së Ujit me kapacitet përpunimi 80l/sec, shtrirjen e tubave furnizues për fshatra e pjesë të qytetit, rezervuarin me kapacitete prej 500 metër kub, si dhe hapjen e 5 puseve të reja të cilat tashmë janë përfunduar, zgjidh në afatgjatë e gjerësisht për vendbanimet e Ferizajt, furnizimin me ujë të pijshëm./InLajmi/
