Kryetari i Lidhjes Demokratike të Kosovës, Isa Mustafa ka pritur në takim kryeministrin shqiptar, Edi Rama, i cili po qëndron për vizitë në Kosovë, përcjell InLajmi.
Ky takim është duke u mbajtur në shtëpinë e Mustafës, në Prapashticë.
“NË PRISHTINË – Me kryetarin e LDK, Isa Mustafa, i nderuar nga mikpritja në shtëpi ku mu dha rasti të njoh edhe familjen e tij të bukur”, ka shkruar Rama sipër fotos në Facebook.
Ndërkohë, Rama gjatë ditës do të zhvillojë takim edhe me kryetarin e AKR-së, Behgjet Pacolli, dhe kryetarin e Prishtinës, Shpend Ahmeti./InLajmi/
