Kryeministri i Shqipërisë, Edi Rama ka anuluar takimin e paraparë të mbajë me kryetarin e AAK-së, Ramush Haradinaj në vazhdën e takimeve të tij me liderët politik të Kosovës, raporton InLajmi.
Ky takim ishte paraparë të zhvillohej në orën 11:00 në selinë e AAK-së.Ky anulim vjen pas deklaratës së Haradinajt i cili e ka refuzuar takimin me kryeministrin e Shqipërisë.
“Është e pamundur me u takua i padituri me paditësin. Kjo s’ka kurrfarë logjike. Nuk ndihem mirë që si i paditur të takohem me askënd e as me zotin Edi Rama”, ishte përgjigja e Haradinajt mbrëmë në një televizion pas pyetjes nëse do të pranonte takimin me Ramën./InLajmi/
