Pas publikimit të një fotografie, ku gjatë ditës Ministrja e Drejtësisë, Albulena Haxhiu u pa duke marrë nga çerdhja djalin e saj me veturë zyrtare, ajo e ka pranuar këtë gjë duke reaguar me anë të një postimi në rrjetin social facebook.
Ajo ka sqaruar për opinionin se para se të jetë Ministre ajo është një nënë e cila ishte detyruar ta merrte djalin në cerdhe, sepse bashkëshortin nuk e kishte të lire, percjell InLajmi.
Postimi i plotë i saj:
Sqarim për opinionin publik
Disa portale paskan publikuar fotografinë time, duke marrë fëmiun nga çerdhja. Për gjithë ata që shkruajnë, duhet bërë e qartë se përveç se jam Ministre, jam edhe nënë. Në kohën kur ende kisha punë në Ministri dhe s’mund ta lija djalin në çerdhe, meqenëse as bashkëshorti s’ishte këtu, isha e detyruar ta merrja dhe sërish të kthehesha në punë, bashkë me të!
Kaq në lidhje me këtë lajm.
