Në gjimnazin “Janaq Kilica” të Fierit është përsëritur situata e para pak ditësh ku disa nxënës shfaqen probleme me frymëmarrjen gjatë zhvillimi të një orë mësimi në lëndën e Biologjisë.
Numri i nxënësve që kanë mbërritur deri tani në spital është rreth 25. Ndërkohë që ambulancat vazhdojnë të vijnë.
Këtë radhë ngjarja ka ndodhur në ndërtesën e re të shkollës.
“Ishte një situatë, që nuk e dimë ca ka ndodhur. Nuk e dimë shkakun akoma. Nga shkolla s’na kanë thënë gjë, s’na kanë dhënë informacione. Vetëm 3 nxënës të klasës sime u ndjen keq”, kështu u shpreh gjatë edicionit të lajmeve nxënësi Geraldo Dano për gjendjen në gjimnazin Janaq Kilica.
Ndërkohë që Policia ka reaguar lidhur me ngjarjen dhe thotë se dyshohet se është përdorur spraj piperi nga një nxënës i kësaj shkolle, raporton TCH.
Nxënës të tjerë ndërkohë konfirmojnë këtë version të policisë për kamerat.
