Kryeministri i Kosovës, Albin Kurti, i ka dërguar letër presidentit të Kosovës, Hashim Thaçi, përmes së cilës ka kërkuar një takim gjatë ditës së nesërme, në mënyrë që të bashkërendohen veprimet rreth politikës së jashtme.
Kjo është kërkesa e dytë që Kurti ia bënë Thaçit. I kishte kërkuar takim për bashkërendim të veprimeve edhe para se të firmoseshin marrëveshjet e fundit mes Kosovës e Serbisë në Munih, ditë më parë.
Kryeministri Kurti ka theksuar se prezantimi i Republikës duhet të jetë i njëzëshëm dhe se dallimet duhet të mbesin brenda vendit duke mos ndikuar kur e përfaqësojnë atë.
“Po ju shkruaj përsëri, që të takohemi për të bashkëbiseduar rreth bashkërendimit tonë në politikën e jashtme. Ashtu siç kam shkruar edhe në letrën time të fundit, më 13 shkurt 2020, politika e jashtme është ajo që duhet të ba përbashkojë neve”, thuhet ndër të tjera në letrën që Kurti ia ka shkruar presidentit.
Kurti ia ka propozuar tri termine Thaçit, varësisht se kur është i lirë presidenti: 9:00, 13:00 dhe 18:00.
Njoftimi i plotë:
Kryeministri i Republikës së Kosovës, Albin Kurti, i ka dërguar letër presidentit të Kosovës, Hashim Thaçi, përmes së cilës letër ka kërkuar nga presidenti një takim gjatë ditës së nesërme, në mënyrë që t’i bashkërendojnë veprimet e përbashkëta rreth politikës së jashtme.
Kryeministri Kurti ka theksuar se prezantimi i Republikës duhet të jetë i njëzëshëm dhe se dallimet duhet të mbesin brenda vendit duke mos ndikuar kur e përfaqësojnë atë.
Bashkëngjitur në attach gjeni letrën e kryeministrit Kurti dërguar presidentit Thaçi /InLajmi/
