Një histori e pazakontë për anijen transportuese MV Alta të gjatë mbi 77 metra që lundron nëpër ujëra pa anëtarë të ekuipazhit, ka tërhequr vëmendjen e mediave botërore.
Anija misterioze transportuese që lundron nën flamurin e Tanzanisë, në shtator të vitit të kaluar është vërejtur për herë të fundit nga marina mbretërore e Britanisë së Madhe në Atlantik.
Anija fantazmë është vërejtur duke lundruar pranë brigjeve afrikane gjashtë muaj më parë, kurse tani është parë në brigjet e Irlandës, pas stuhisë Dennis që goditi këtë vend.
https://www.youtube.com/watch?v=ig8mPJEnVhE&feature=emb_logo
Anija transportuese MV Alta është vërejtur të dielën, kurse zëdhënësi i rojeve bregdetare në Waterford, ka thënë se lokacioni aktual i anijes është si rezultat i stuhisë, duke pranuar se e kanë kontrolluar dhe se brenda saj nuk e kanë gjetur askënd.
Në anën tjetër menaxheri për shpëtimin e anijeve John Tatan, pretendon se kjo anije “është një në milion”.
https://twitter.com/PaschalSheehy/status/1229328913492566016?ref_src=twsrc%5Etfw%7Ctwcamp%5Etweetembed%7Ctwterm%5E1229328913492566016%7Ctwgr%5E393535353b687465&ref_url=https%3A%2F%2Ftelegrafi.com%2Fstuhia-dennis-sjell-anijen-fantazme-ne-menyre-te-mistershme-arriti-ne-brigjet-e-irlandes-brenda-saj-nuk-kishte-asnje-anetare-te-ekuipazhit%2F
“Ka bredhur deri në brigjet afrikane, në perëndim të brigjeve spanjolle, në Angli e deri të Irlanda. Kurrë më herët nuk kam parë diçka të tillë”, ka shtuar ai.
Megjithatë ajo çfarë mbetet mister është se si ka ndodhur që anija e prodhuar më 1976, të përfundojë duke lundruar në Oqeanin Atlantik, duke mos pasur as edhe një njeri në të.
