Deputeti i Lëvizjes Vetëvendosje, Mefail Bajqinovci ka thënë se Qeveria e Albin Kurtit në koalicon me LDK-në do të jetë koalicion i ndryshimit duke çuar në vend vullnetin e popullit.
Ai më tej tha se Kosova do të ketë kryeminister e ministra që gërshetojnë dije në postet e tyre që do t’i kenë nëpër institucione”, ka shkruar Bajqinovci në rrjetin social Facebook.
Postimi i tij i plotë:
“Kosova do të ketë Qeverinë e ndryshimit duke e çuar në vend vullnetin e popullit. Garancë e këtij ndryshimi do të jenë Lëvizja Vetëvendosje me kryeministrin Kurti dhe Lidhja Demokratike e Kosovës si partneri ynë që së bashku e kemi plasuar projektin e ndryshimit dhe po së bashku jemi votuar. Kosova do të ketë kryeministër e ministra që gërshetojnë dije, dashni për vendin, kulturë institucionale e njerëzore, qëndrueshmëri në bindje rreth vlerave perëndimore e euroatlantike të cilat ne do t’i zbatojmë e do t’i jetësojmë në çdo ditë të punës tone”. /InLajmi/
