Presidenti i Shqipërisë, Ilir Meta, thotë se të gjithë faktorët politikë duhet të angazhohen me politika konkrete për të motivuar të rinjtë që të zhvillojnë karrierën në Shqipëri, në mënyrë që të rinjtë të mos emigrojnë jashtë vendit, shkruan InLajmi.
Ai tha se zgjidhja e krizës së thellë politike dhe institucionale është domosdoshmëri për të frenuar ritmet dramatike të shpopullimit të vendit.
Postimi i plotë i tij:
Të dashur qytetarë,
Zgjidhja e krizës së thellë politike dhe institucionale është domosdoshmëri për të frenuar ritmet dramatike të shpopullimit të vendit.
Ndërsa të gjithë forcat politike duhet të angazhohen me politika konkrete për t’i motivuar shqiptarët e sidomos të rinjtë për të patur mundësi më të mira të punësimit dhe karrierës këtu.
Një vend pa rini, si një shtëpi pa fëmijë!
SHQIPËRIA?? meriton një të ardhme të sigurt!
Të bashkohemi kundër shpopullimit!
Koha po rrjedh më shpejtësi dhe nuk kthehet mbrapa.
KOHA NUK PRET!/InLajmi