Kreu i partisë NISMA Socialdemokrate, Fatmir Limaj pas takimit që kishte me përfaqësuesin e lartë të BE-së për Politikë të Jashtme dhe Siguri, Joseph Borel ka bërë një prononcim për media.
Ai ka thënë se nuk mjaftojnë vetëm premtimet nga BE-ja por duhet të ketë hapa konkret e në veçanti heqjen e regjimit të vizave për Kosovën, shkruan InLajmi.
“Ne kemi pasur një takim me përfaqësuesin e Lartë të BE-së për Politikë të Jashtme dhe Siguri, Josep Borrell Fontelles, me ç’rast shfrytëzuam rastin që t’i shkëmbejmë mendimet tona.
“Për ne tema më rëndësishme është që BE-ja nga fjalët të kalojë në vepra – nuk mjaftojnë më premtimet – veprimi urgjent duhet të jetë liberalizimi i vizave për Kosovën.
“Ne jemi të frustruar dhe të zhgënjyer me sjelljen e BE-së në raport me liberalizimin e vizave sepse Kosova i ka përmbushur të gjitha kritikat dhe ne presim shumë shpejt që të shohim hapa konkret në këtë drejtim”.
“Tek çështja e dialogut me Serbinë – qëndrimi ynë është që ne duam një dialog me marrëveshje gjithëpërfshirëse që do të rezultojë me njohje reciproke dhe kështu njëherë e mirë të përmbyllet tema Kosovë –Serbi. Kosova gjithmonë është e gatshme që të ulet në tavolinën e bisedimeve për një njohje të ndërsjellë”.
Limaj tutje ka folur edhe për dialogun me Serbinë i cili ka thënë se nuk mund të arrihet një marrëveshje përderisa Vuçiqi e mohon gjenocidin që kreu në Kosovë.
“Është dëshmuar se iniciativat rajonale dështojnë. Nuk mund të arrihet një marrëveshje gjithëpërfshirëse derisa krehu i shtetit (Aleksandar Vuçiq) mohon gjenocidin dhe krimin qe e ka kryer shteti serb në Kosovë”.
“Duam qëndrime të qarta nga BE ndaj zyrtarëve serbë të cilët zyrtarisht mohojnë krimet e kryera nga policia dhe ushtria serbe”. /InLajmi/
