Kryetari i Partisë Fjala, Gëzim Kelmendi, ka reaguar pas deklaratës së kryetarit të Partisë Demokratike të Kosovës, Kadri Veseli, i cili ka thënë se nëse Lëvizja Vetëvendosje vazhdon t’i ikë përgjegjësisë atëherë PDK do të vjen sërish në pushtet, shkruan InLajmi.
Kelmendi në reagimin e bërë ndaj Veselit, ka thënë se PDK-ja ka qenë një dekadë në pushtet dhe se tani duhet pritur se çfarë po bën LVV, e pastaj sipas tij, radhën e ka Partia Fjala.
Postimi i plotë i tij:
“Ne shqiptarët e kemi njëfarë rendi i nderuar kryetar i PDK-së, Kadri Veseli. Kryetari i PDK-së Kadri Veseli ka paralajmëruar se pas këtyre zhvillimeve politike, shumë shpejtë PDK-ja do të rikthehet në krye të pushtetit. I nderuar Kryetar i PDK-së Kadri Veseli, ne shqiptarët e kemi njëfarë rendi. Ju keni qenë ma shumë se 1 dekadë në pushtet. Tash prit pak ta shohim çka po bën VV-ja.E mandej radhën e kemi ne të FJALËS. Populli iu ka provuar juve, tash pritet të i provojë këta të VV-së. Mandej populli do të na provoj edhe neve. Kështu që bën durim, se populli po kërkon ndryshim”, thuhet në reagimin e Kelmendit. /InLajmi
