Kryeministri në detyrë, Ramush Haradinaj, ka ngushëlluar familjen Thaçi, pas vrasjes së të birit të tyre, Sami Thaçi, gjatë një aksioni në Zhur të Prizrenit.
“I tronditur me lajmin për humbjen e jetës së një pjesëtari të Policisë së Kosovës, plagosjen e dy të tjerëve dhe një fëmije nga një shpërthim i një mjeti eksploziv në Zhur të Prizrenit”, ka shkruar Haradinaj në rrjetin social Facebook.
Postimi i plotë:
I tronditur me lajmin për humbjen e jetës së një pjesëtari të Policisë së Kosovës, plagosjen e dy të tjerëve dhe një fëmije nga një shpërthim i një mjeti eksploziv në Zhur të Prizrenit.
Ftoj organet e rendit që të zhvillojnë hetimet dhe të ndërmarrim të gjitha veprimet e nevojshme për ta zbardhur gjithë këtë situatë dhe për të sjellë para drejtësisë, përgjegjësit e këtij akti.
Ngushëllime për familjen e policit që humbi jetën dhe shërim të shpejtë për të plagosurit!
RH
/InLajmi/
