Pas ardhjes së Albin Kurtit, në Kuvendin e Kosovës janë parë duke hyrë edhe zyrtarët e LDK-së, Isa Mustafa, Agim Veliu, Avdullah Hoti, Lutfi Haziri, Kujtim Shala dhe Vjosa Osmani.
“Ne jemi të vullnetshëm që ta përfundojmë marrëveshjen në mënyrë që të procedojmë edhe më tutje”, ka thënë Mustafa duke hyrë në Kuvend.
Po ashtu edhe Liburn Aliu nga radhët e LVV-së ka arritur në Kuvendin e Kosovës.
Tashmë pritet vetëm fillimi i takimit që pritet të jetë vendimtarë dhe përcaktues se a do të arrihet koalicioni LDK-VV.
Nënkryetari i LDK-së, Agim Veliu përmes një deklarate për media gjatë ditës së sotshme tregoi se do të vazhdojnë të insistojnë për postin e kryeparlamentarit.
