Një person ka kryer vetëvrasje me një armë zjarri para ndërtesës së parlamentit të Serbisë në Beograd, kanë thënë zyrtarët atje.
Ministria e Brendshme tha se më 23 janar një person, në të 50-at, e ka qëlluar veten me armë zjarri në gojë dhe ka vdekur në vend të ngjarjes.
Nuk janë dhënë detaje tjera.
Burri vrau veten në shkallët që çojnë në hyrjen e ndërtesës së parlamentit.
Kjo është vetëvrasja e dytë në po atë vend që nga 2002-a, kur ish-ministri i Brendshëm, Vlajko Stojiljkoviq, qëlloi veten për vdekje pak pasi ligjvënësit kaluan një ligj që lejonte ekstradimin e të dyshuarve nga tribunali i Hagë për krime lufte. Ai vdiq dy ditë më pas, raporton REL.
Stojiljkoviq ishte akuzuar për krime të kryera gjatë luftës në Kosovë.
